նախընտրելի դարձնել
Հայաստանի բանկերի միությունը հայատարություն է տարածել վարկային պայմանագրով նախատեսված անվանական տոկոսադրույքի չափի փոփոխությունների հարցի վերբարյալ:
Հայտարարությունում, մասնավորապես, ասվում է.
«Վերջերս հաճախակի քննարկումների առարկա է դարձել վարկային պայմանագրով նախատեսված անվանական տոկոսադրույքի չափի փոփոխությունների հարցը, որի վերաբերյալ նպատակահարմար ենք գտնում ներկայացնել որոշակի պարզաբանումներ եւ հստակեցումներ:
Բանկերի եւ հաճախորդների միջեւ կնքվող վարկային պայմանագրերում անվանական տոկոսադրույքը կարող է սահմանվել հաստատուն տոկոսադրույքով կամ լողացող տոկոսադրույքով:
Հաստատուն տոկոսադրույքով վարկային պայմանագրով նախատեսված անվանական տոկոսադրույքի չափը չի կարող միակողմանիորեն փոփոխվել, բացառությամբ վարկային պայմանագրով կամ կողմերի համաձայնությամբ նախատեսված դեպքերի: Օրինակ երբ հիփոթեքային վարկի դեպքում հաճախորդը ստացված գումարը չի օգտագործել ըստ վարկային պայմանագրում ամրագրված նպատակի` վարկի տեսակն ավտոմատ կերպով փոփոխվում է եւ այն կամ պետք է անմիջապես մարվի կամ տոկոսադրույքը պետք է փոփոխվի:
Լողացող տոկոսադրույքով վարկային պայմանագրով նախատեսված անվանական տոկոսադրույքը կարող է վարկային պայմանագրի գործողության ընթացքում փոփոխվել վարկային պայմանագրով նախատեսված դեպքերում, իսկ պայմանագրում նման հնարավորության բացակայության դեպքում` վարկատուի եւ վարկառուի գրավոր համաձայնությամբ:
Մեր դիտարկումները եւ հարցումները ցույց են տալիս, որ վարկային պայմանագրով նախատեսված անվանական տոկոսադրույքի չափի գրանցված փոփոխությունները տեղավորվում են վերը նշված դեպքերում:
Վարկատու կազմակերպության կողմից վերը նշված դեպքերից բացի այլ պատճառներով միակողմանիորեն տոկոսադրույքի չափի փոփոխությունների դեպքերում վարկային պայմանագիր կնքած քաղաքացիների իրավունքները եւ օրինական շահերը ենթակա են պաշտպանության»:
