Երեւանում մանկապատանեկան օլիմպիական համալիր կստեղծվի։ Այս մասին համապատասխան որոշումն ընդունվել է դեկտեմբերի 22-ին Կառավարության նիստում։

«Երեւանի օլիմպիական մանկապատանեկան համալիր մարզադպրոց» պետական ոչ առեւտրային կազմակերպության գործունեության առարկան է մարզական աշխատանքների եւ ֆիզիկական դաստիարակության համապատասխան ուսումնական ծրագրերի պահանջների իրականացումը, իսկ նպատակներն են ֆիզիկական կուլտուրայի եւ սպորտի միջոցով պարապողների առողջության պահպանումն ու ամրապնդումը, պարապողների մարզական ունակությունների կատարելագործումը եւ Հայաստանի Հանրապետության ազգային հավաքական թիմերի համար հերթափոխի պատրաստումը։