Մոսկվան եւ Վաշինգթոնը համաձայնեցնում են Ռուսաստանի եւ ԱՄՆ-ի նախագահներ Վլադիմիր Պուտինի եւ Դոնալդ Թրամփի միջեւ հեռախոսազրույցը: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը: 

Նրա խոսքով՝ կողմերի հանդիպման մասին առայժմ խոսակցություն չի տարվում:

Պեսկովը հավելել է, որ հեռախոսային հնարավոր շփման ամսաթիվը կհամաձայնեցվի առաջիկայում: Իսկ հանդիպման նախապատրաստություն կարող է սկսվել, եթե Պուտինն ու Թրամփը հեռախոսազրույցի ընթացքում դա նպատակահարմար համարեն: