նախընտրելի դարձնել
Դատարանը բրիտանացուն արգելել է ավտոմեքենա վարել, քանի որ նրա հասակը շեղում էր մյուս վարորդներին, հայտնում է The Telegraph-ը:
Նյուքասլի բնակիչ, 26-ամյա Ադամ Էլիոթին ոստիկանները կանգնեցրել են, երբ նա երթեւեկել է Ford Ka կաբրիոլետով: Նրանց ուշադրությունն է գրավել վարորդի գլուխը, որը դիմապակուց բարձր էր: Նրանք կասկածել են, որ Էլիոթը մեքենան կանգնած է վարում:
Սակայն պարզվել է, որ ավտոմեքենաների վաճառքով զբաղվող տղամարդու հասակը 200 սմ է, եւ նա մեքենայի մեջ պարզապես չի տեղավորվել:
Դատական հերթական նիստի ժամանակ Էլիոթը փաստաբանի խորհրդով ընդունել է, որ մեքենան վտանգավոր ձեւով է վարել: Նրան արգելել են ղեկի մոտ նստել առնվազն մինչեւ փետրվարի 27-ը, երբ տեղի կունենա դատական հաջորդ նիստը, որի ընթացքում կորոշվի նրա պատժատեսակը:
