Երեւանի քաղաքապետարանը եւ Հայաստանի ազգային կինոկենտրոնը հայտարարում են «Իմ Երեւանը» խորագրով 7-15 րոպե տեւողությամբ խաղարկային կարճամետրաժ ֆիլմերի մրցույթ՝ նվիրված Երեւանի հիմնադրման 2800-ամյակին:

Երեւանի քաղաքապետարանից NEWS.am-ին հայտնում են, որ մրցույթին կարող են մասնակցել հանրապետության ԲՈՒՀ-երի եւ միջին մասնագիտական ուսումնական հաստատությունների ուսանողները: Ֆիլմերը կարող են նկարահանվել ինչպես պրոֆեսիոնալ, այնպես էլ՝ սիրողական նկարահանող սարքերով:

Սահմանվում է՝

Առաջին մրցանակ - 1 000 000 դրամ

Երկրորդ մրցանակ - 500 000 դրամ

 Երրորդ մրցանակ - 300 000 դրամ

Ներկայացված լավագույն ֆիլմերից ստեղծվելու է «Իմ Երեւանը» ֆիլմաշար եւ ներկայացվելու է հանրությանը:

Ֆիլմերն ընդունվելու են մինչեւ ս.թ հուլիսի 15-ը: Ներկայացված աշխատանքները ժյուրին կամփոփի մինչեւ ս.թ սեպտեմբերի 1-ը:

Մրցույթի գլխավոր մրցանակակրին կտրվի Հայաստանի ազգային կինոկենտրոնի միջոցներով 2019թ.-ին դեբյուտային խաղարկային կարճամետրաժ ֆիլմ նկարահանելու հնարավորություն:

Աշխատանքները ներկայացնել Հայաստանի ազգային կինոկենտրոն՝ ք. Երեւան, Աշտարակի խճուղի 30, խմբագրական բաժին՝ ցանկացած թվային կրիչով:

Լրացուցիչ տեղեկությունների համար զանգահարել (+37491) 40-31-85

Էլ. հասցե՝  [email protected]