Նախընտրելի
Բանկերն ու ֆինանսական հաստատությունները բախվում են խարդախության և փողերի լվացման աճող ալիքի, ինչպես նաև ֆինանսական կանոնների ուժգնացող ճնշման աճի։
Չնայած որոշ զարգացած երկրներում ֆինանսական հանցագործությունների դեմ պայքարի ծախսերի տարեկան 10% աճին, Ինտերպոլի տվյալներով՝ ֆինանսական արդյունաբերությունը 2015-2022 թվականների ընթացքում համաշխարհային ֆինանսական հանցագործությունների ընդհանուր ծավալի միայն մոտ 2%-ն է հայտնաբերել։
Նորվեգիայում Strise ստարտափը ստեղծել է արհեստական բանականությամբ աշխատող հարթակ, որը սկանավորում է հանրային գրանցամատյանները և լրատվամիջոցների հաղորդագրությունները՝ փողի լվացման հնարավոր ռիսկերն իրական ժամանակում բացահայտելու համար։
Արհեստական բանականության համակարգը նախատեսված է եվրոպական փողերի լվացման դեմ պայքարի կանոնակարգերին ենթակա ֆինանսական հաստատություններում, ինչպիսիք են բանկերը, ապահովագրական ընկերությունները և վճարային ծառայությունները, հաշիվներ բացելու դիմումները ստուգելու համար, հաղորդում է «Euronews»-ը։
Եթե երբևէ առցանց բանկային հաշիվ եք բացել, ապա ձեզ, հավանաբար, խնդրել են լրացնել ձեր հասցեն և մասնագիտությունը, որոնք ամեն տարի թարմացվում են։ Սա «Ճանաչիր քո հաճախորդին» (KYC) գործընթացի մի մասն է՝ իրավական պահանջ, որը նախատեսված է հաճախորդի ով լինելը և նրա փողի ծագումը ստուգելու համար։
Ավանդաբար, KYC ստուգումների համար ընդգրկում են վերլուծաբանների թիմեր, որոնք մանրակրկիտ ուսումնասիրում են տվյալների բազաները, կորպորատիվ փաստաթղթերը և լրատվական հաղորդագրությունները՝ սեփականության իրավունքը հաստատելու, կապերին հետևելու և հնարավոր ռիսկերը բացահայտելու համար։
Այս ստուգումները նախատեսված են հանցագործների՝ օրինական բանկերնի օգտագործելով կեղտոտ փող փոխանցելը կանխելու համար։ Սակայն ստուգման գործընթացը դանդաղ է և թանկ։
«Այժմ դուք ունեք արհեստական բանականություն, որը տեղեկություն է արդյունահանում և այն համատեղում է բոլորովին նոր ձևով»,- Euronews Next-ին ասել է Straise-ի համահիմնադիր և գործադիր տնօրեն Մարիտ Ռեդևանդը։
«Եթե կարողանաք նույնականացնել կասկածելի ընկերությունը գրանցման փուլում, կարող եք կանխել նրա՝ բանկային հաշիվ բացելը և ֆինանսական որոշումներին միանալը»,- հավելել է նա։
Strise-ի արհեստական բանականության համակարգն ավտոմատ կերպով նույնականացնում է նախազգուշացնող նշանները, ինչպիսիք են պատժամիջոցների ենթարկված անձանց հետ կապերը և բարձր ռիսկային իրավասությունները։
Strise-ի Ռոբին Լիկիի խոսքով՝ այս համակարգն օգտագործող վերլուծաբանները կարող են հայտնաբերել նախազգուշացնող նշաններ պատժամիջոցների ենթարկված անձանց և ազդեցիկ քաղաքական գործիչների վերաբերյալ, որոնք հնարավոր է՝ կապված լինեն փողերի լվացման հետ։
