Բրիտանական դատախազությունը նոր մեղադրանքներ է առաջադրել Փիթերբորո քաղաքի 32-ամյա բնակիչ Էնթոնի Ուիլյամսին, որը նոյեմբերի 1-ին Դոնքաստերից Լոնդոն գնացքում դանակով հարձակվել է մարդկանց վրա: Նոր մեղադրանքների մասին հայտարարել է Մեծ Բրիտանիայի տրանսպորտային ոստիկանությունը:

Ուիլյամսին ավելի վաղ մեղադրանք է առաջադրվել սպանության փորձի 11 դրվագով, մարմնական վնասվածք հասցնելու մեկ դեպքով և սուր զենք պահելու երկու դեպքով: Նա մեղադրվում է նաև սուր զենք պահելու և սպանության փորձի մեջ՝ նույն օրը Լոնդոնի Դոքլենդսի թեթև մետրոյի (Docklands Light Railway, DLR) կայարանում տեղի ունեցած առանձին միջադեպի շրջանակում:

Նոյեմբերի 19-ին Ուիլյամսին մեղադրանք է առաջադրվել ևս յոթ դրվագով, որոնք կապված են նրա բնակության վայր Փիթերբորոյում գնացքի վրա հարձակումից մեկ օր առաջ տեղի ունեցած միջադեպերի հետ: Մեղադրանքները ներառում են 14-ամյա տղայի սպանության փորձ, 28-ամյա տղամարդու նկատմամբ ծանր մարմնական վնասվածք հասցնելու փորձ, 22-ամյա տղամարդու նկատմամբ սպանության փորձ, հասարակական կարգը խախտելու, սուր առարկա պահելու, դանակների գողության և մեկ այլ գնացքում տղամարդու վրա հարձակման մեջ:

Քանի որ հարձակվողը ոչ մի անգամ չի ձերբակալվել, ինչը հետագայում նրան հնարավորություն է տվել դանակահարություն կատարել գնացքում, Քեմբրիջշիրի կոմսության ոստիկանությունը հայտարարել է, որ իրենք հարցում են ներկայացրել Ոստիկանության գործողությունները վերահսկող Անկախ վարչություն՝ իրենց գործողությունները վերանայելու համար։

14 րոպե տևած հարձակման հետևանքով վիրավորվել է 11 մարդ։ Նրանցից մեկը՝ LNER ընկերության աշխատակիցը, մի քանի օր անցկացրել է հիվանդանոցում՝ ծանր վիճակում, և ավելի ուշ դուրս է գրվել։