Նորվեգիայի մայրաքաղաք Օսլոյում ԱՄՆ դեսպանատան մոտ տեղի ունեցած գիշերային պայթյունը, հնարավոր է, եղել է կանխամտածված հարձակում՝ «կապված անվտանգության ոլորտում առկա իրավիճակի հետ»։ Այս մասին հայտնում է Reuters-ը՝ հղում անելով երկրի ոստիկանության աղբյուրին։

Այս պահին ոստիկանությունը կասկածյալներ չունի, սակայն որոնում է մեկ կամ մի քանի հնարավոր հանցագործների։ Ոստիկանությունը դիտարկում է մի քանի վարկած։

Պայթյունը տեղի է ունեցել դեսպանատան տարածքում՝ տեղական ժամանակով մոտավորապես ժամը մեկին։

Ըստ լրատվամիջոցների, տուժածներ չկան։