Նախընտրելի
Հունգարիայի արտգործնախարար Պետեր Սիյարտոն Եվրամիությանը կոչ է արել անմիջապես վերացնել ռուսական նավթի և գազի ներմուծման արգելքը Մերձավոր Արևելքում սրվող ճգնաժամի ֆոնին։
«Մերձավոր Արևելքում սրվող պատերազմի և Հորմուզի նեղուցի փակման պատճառով համաշխարհային էներգամատակարարման զգալի մասը վտանգված է»,- X հարթակում նշել է Սիյարտոն։
Շարունակվող հակամարտության պատճառով Brent նավթի գինը գերազանցել է 100 դոլարը (86,4 եվրա) մեկ բարելի համար։
«Եվրոպան հատկապես խոցելի է, քանի որ ԵՄ-ն արդեն արգելք է դրել ռուսական էներգակիրների ներմուծման վրա։ Այժմ Մերձավոր Արևելքում հակամարտությունը նվազեցնում է համաշխարհային մատակարարումները։ Երբ մատակարարումը նվազում է, գները բարձրանում են։ Հետևաբար, Եվրոպան բախվում է գների կտրուկ աճի ռիսկի»,- նշել է նախարարը։
Սիյարտոն շեշտել է, որ եթե պատժամիջոցները շարունակվեն, դա լուրջ վնաս կհասցնի եվրոպացի քաղաքացիներին և եվրոպական տնտեսությանը։
