նախընտրելի դարձնել
ԱՄՆ նախագահ Դոնալդ Թրամփը սկսել է Հանրապետական կուսակցությունից հնարավոր իրավահաջորդներ դիտարկել նախագահի պաշտոնում, գրում է «The Wall Street Journal»-ը։
Պարբերականը նշում է, որ ԱՄՆ նախագահը խորհրդականների, դոնորների և կողմնակիցների հետ ակտիվորեն քննարկում է առաջնորդության ապագա տարբերակները՝ գնահատելով նրանց ուժեղ և թույլ կողմերը։ Հավանական թեկնածուների թվում նշվում են փոխնախագահ Ջեյ Դի Վենսը և սենատոր Մարկո Ռուբիոն։
WSJ-ն ընդգծում է, որ Ռուբիոն որպես առավել փորձառու ընտրություն է դիտարկվում արտաքին քաղաքականության և դիվանագիտության ոլորտում, այդ թվում՝ Իրանի և Մերձավոր Արևելքում ԱՄՆ դաշնակիցների հետ կապված հարցերում:
Վենսը, ընդհակառակը, մեծ ժողովրդականություն է վայելում MAGA-ի կողմնակիցների և էլեկտորատի առավել պահպանողական հատվածի շրջանում, ինչը նրան գրավիչ է դարձնում ներկուսակցական աջակցության տեսանկյունից:
«Մենք յուրաքանչյուր թեկնածուի դիտարկում ենք ոչ թե պարզապես որպես ապագա առաջնորդի, այլ որպես կուսակցության երկարաժամկետ ռազմավարության մաս», - մեջբերում է պարբերականը ԱՄՆ վարչակազմին մոտ կանգնած աղբյուրի խոսքերը:
Պարբերականը նաև նշում է, որ Թրամփը քննարկել է տարբեր սցենարներ, այդ թվում՝ միասնական դաշինք ձևավորելու հնարավորությունը, սակայն փորձագետները դա քիչ հավանական են համարում հայացքների և ռազմավարական առաջնահերթությունների տարբերության պատճառով:
WSJ-ն ընդգծում է, որ թեև իրավահաջորդի մասին պաշտոնական հայտարարություն չի եղել, Թրամփն ակնհայտորեն ձգտում է ազդել կուսակցության ապագա ղեկավարության ձևավորման վրա՝ նախապես մտածելով ռազմավարական քայլերի և առանձին գործիչների աջակցության մասին:
