Մուլին քաղաքի բնակչուհի 28-ամյա չինուհին համացանցով ծանոթացել է մի տղամարդու հետ եւ նրան ժամադրել: Սակայն նրա մտքով չէր էլ անցնում, որ տղամարդն իր սկեսրայրն է լինելու:
Լիլի կեղծանվամբ չինուհին արկածներ է փնտրել դրսում, քանի դեռ ամուսինն աշխատանքի է եղել: Նա ժամադրվել է քաղաքի հյուրանոցներից մեկում: Կինն ապշել է, երբ հյուրանոցային համարի շեմին տեսել է իր 57-ամյա սկեսրայր Վան Պային: Առցանց ծանոթության ժամանակ Լիլին եւ Վան Պայը միմյանց կեղծ լուսանկարներ էին ուղարկել, հայտնում է vesti.ru-ն՝ վկայակոչելով Huffington Post-ը:
Ոչինչ չասելով՝ Լիլին աստիճաններով ներքեւ է վազել եւ հայտնվել ամուսնու գրկում: Պարզվել է, որ տուն գալով, վերջինս տեսել է միացած համակարգիչը, կարդացել կնոջ նամակագրությունը առեղծվածային անծանոթի հետ եւ հետեւել նրան մինչեւ հյուրանոց: Սկզբում նա պարզապես բղավել է կնոջ վրա, հետո նաեւ հարվածել: Այնուհետեւ զայրացած ամուսինը հարձակվել է հոր վրա:
Ամուսինը կոտրել է կնոջ երկու ատամը, հորն էլ գլխի լուրջ վնասվածք հասցրել, վերջինիս տեղափոխել են հիվանդանոց:
Ամուսինը հինգ օր մնացել է ոստիկանության բաժանմունքում: