Փետրվարի 17-ին նշվող Բարության ինքնաբուխ դրսեւորման օրը միջազգային բարեգործական կազմակերպությունների վերջին նախաձեռնություններից է: Տոնը հիմնվել է ԱՄՆ-ում, բայց այսօր տարածված է եւ նշվում է տարբեր երկրներում ու հասարակություններում՝ անկախ քաղաքացիությունից, ազգային պատկանելությունից եւ կրոնական համոզմունքներից:
Ըստ Calend-ի, տոնն առավելապես հայտնի է Արեւմտյան Եվրոպայի երկրներում եւ ԱՄՆ-ում, որտեղ այդ օրը տարբեր քաղաքներում բարեգործական միջոցառումներ եւ մարաթոններ են անցկացվում: Դրանց մասնակցում են հայտնի դերասաններ, հասարակական եւ քաղաքական գործիչներ:
Կազմակերպիչների խոսքով, այդ օրը հարկավոր է փորձել բարի լինել բոլորի հանդեպ: Եվ ոչ պարզապես բարի, այլեւ անսահման եւ անշահախնդրորեն բարի:
