Գերմանիայի կառավարությունն օրինագիծ է ստորագրել, որը նախատեսում է սեռական հողի վրա իրականացվող հանցագործությունների մասին օրենսդրության խստացում: Այս մասին հաղորդում է Bayerischer Rundfunk-ը:
Գործող օրենսդրության համաձայն, հանցագործին կարելի է պատասխանատվության ենթարկել միայն այն դեպքում, եթե նա բացահայտ սպառնալիք է հնչեցրել, առողջությանը վնաս է հասցրել կամ օգտվել է զոհի խոցելի դրությունից: Բացի այդ, որպեսզի սեռական ակտը բռնաբարություն ճանաչվի, զոհը պետք է ոչ միայն խոսքով, այլեւ գործողությամբ դիմադրի սեռական բնույթի գործողություններին:
Նոր օրենքի համաձայն, ըստ ՌԻԱ Նովոստիի, հանցագործին կարելի է պատասխանատվության ենթարկել, եթե անգամ նա ֆիզիկապես զոհին դիմադրության չի մղել: Սեռական հանցագործության համար 6 ամսից մինչեւ 10 տարի ժամկետով ազատազրկում է նախատեսվում:
Հիշեցնենք, որ ամանորի գիշերը գերմանական Քյոլնի բնակիչները միգրանտների եւ փախստականների կողմից զանգվածային հարձակումների ենթարկվեցին: Ոստիկանությունն ավելի քան 700 կանանցից սեռական ոտնձգության մասին դիմում ստացավ, նաեւ գողության բազմաթիվ դեպքեր արձանագրվեցին: