Ամուսնության մեջ երջանիկ լինելու համար զուգընկերները չպետք է զգացմունքները թաքցնեն միմյանցից: Իտալացի մասնագետների համապատասխան հետազոտության արդյունքները հրապարակվել են Journal of Social and Personal Relationships ամսագրում:
Հետազոտությանը 229 ամուսնական զույգ է մասնակցել: Նրանց խնդրել են պատմել ամուսնական կյանքից բավարարվածության մասին սկզբում, ամուսնությունից մեկուկես տարի անց եւ երկու տարի անց:
Արդյունքում պարզվել է, որ իրենց զգացմունքների մասին հազվադեպ զրուցող ամուսիներն ավելի հաճախ են խոսում ամուսնության խնդիրների մասին: Միաժամանակ, գիտնականները պարզել են, որ ժամանակի ընթացքում կանայք ավելի ազատ են դառնում եւ ավելի շատ են վստահում իրենց կեսին: