նախընտրելի դարձնել
Ռոստովի ԱԷԿ-ում խափանվել են երկու էներգաբլոկները, հայտնում է polit.ru-ն՝ վկայակոչելով «Ռոսէներգոատոմ» կոնցեռնի աղբյուրը:
Առաջիկայում, նշում է աղբյուրը, ԱԷԿ-ի էներգաբլոկները կմիացվեն ցանցին:
Կայանի էներգաբլոկներն անջատվել էին էլեկտրաենթակայաններից մեկի պաշտպանական համակարգի գործարկման պատճառով, որի հետեւանքով խախտվել էր Հյուսիսային Օսիա, Չեչնիա, Ինգուշեթիա եւ Հյուսիսային Կովկասի այլ երկրներ էլեկտրականության մատակարարումը:
«ՌԱԷԿ-ի առաջին բլոկում իրականացվում են անհրաժեշտ տեխնոլոգիական գործողությունները, կայանի երկրորդ էներգաբլոկը պատրաստվում են միացնել ցանցին», - պարզաբանել է «Ռոսէներգոատոմի» ներկայացուցիչը՝ հավելելով, որ կայանում ճառագայթման ֆոնը նորմայի սահմաններում է:
Նշվում է, որ էներգաբլոկների աշխատանքի վերականգնումը կտեւի 5-6 ժամ:
Ռոստովի ԱԷԿ-ը գտնվում է Ռոստովի մարզում: Գործող երկու էներգաբլոկների հզորությունը 2000 մՎտ է:
