Ամերիկյան Lanmodo ստարտափը, որը հիմա գտնվում է քրաուդֆանդինգի փուլում, ներկայացրել է All-in-One Wireless Automatic Car Tent բազմաֆունկցիոնալ սարքը, որը ըստ էության ավտոմեքենայի հովանոց է, որը կարելի է օգտագործել որպես վրան կամ պրոյեկտող էկրան, հայտնում է Motor –ը։

Սարքի գլխավոր նշանակությունն է պաշտպանել մեքենան տեղումներից, ծանր առարկաներից ու արեւից։ Այն տեղադրված է մեքենայի ծածկի վրա՝ վակուումային կցիչի օգնությամբ։ Նախատեսված են նաեւ ֆիքսով ժապավեններ, որոնք կարելի է ամրացնել դռներին, կամ հայելիների կորպուսին։

Հեռակառավարման վահանակի օգնությամբ ավտոմատ բացվող հովանոցի կոնստրուկցիան մեքենայի թափքին չի դիպչում։