Բրիտանացի դերասան Սաշա Բարոն Քոհենը առաջարկել է Ղազախստանում գրեթե մերկ ֆոտոշարքի համար կալանավորված վեց չեխ զբոսաշրջիկների տուգանքները վճարել, գրում է BBC- ն:
Զբոսաշրջիկները որոշել էին Աստանայի կենտրոնում լուսանկարվել՝ հագնելով միայն կանաչ լողազգեստներ, ինչպես Քոհենի հերոսը «Բորատ» ֆիլմում:
Նոյեմբերի 14-ին տեղական լրատվամիջոցները հաղորդել էին, որ զբոսաշրջիկներից յուրաքանչյուրը` «ոչ պատշաճ վարքի» համար 22,5 հազար տենգեով տուգանվել է ( 67 դոլար):
«Ես ուզում եմ դիմել իմ կալանավորված չեխ ընկերներին: Ուղարկեք ինձ ձեր տվյալները եւ ապացույցներ, որ դա դուք եք եղել է, եւ ես կվճարեմ ձեր տուգանքները », - Facebook-ի իր էջում գրել է Քոհենը:
«Բորատ» կատակերգությունը էկրաններին է հայտնվել 2006 թվականին եւ պատմում է Ղազախստանի հեռուստատեսության հաղորդավար Բորատ Սաղդիեւի ԱՄՆ ճանապարհորդության մասին իբրեւ թե «աշխարհի ամենամեծ երկրի» մասին ռեպորտաժ պատրաստելու նպատակով: Սակայն հետագայում պարզվում է, որ նրա այցի հիմնական նպատակը Պամելա Անդերսոնին գտնելն ու նրա հետ ամուսնանալն է:
Ղազախստանի իշխանությունները արգելել էին ֆիլմի ցուցադրումը եւ սպառնացել դատի տալ ֆիլմի ստեղծողներին:
Սակայն 2012 թվականին Ղազախստանի արտաքին գործերի նախարար Երժան Կազիխանովը հրապարակավ շնորհակալություն էր հայտնել դերասանին Կենտրոնական Ասիայի երկրում զբոսաշրջության խթանման համար` նշելով, որ ֆիլմից հետո դեպի Ղազախստան զբոսաշրջիկների հոսքը տասը անգամ ավելացել է:
