WikiLeaks-ի հիմնադիր Ջուլիան Ասանժը Էկվադորի անձնագիր է ստացել այն լուրերից հետո, որ Լոնդոնում Էկվադորի դեսպանատունը կարող է նրան արտաքսել, գրում է Daily Mail-ը:
Wikileaks-ի հիմնադիրը Էկվադորի ֆուտբոլային համազգեստով լուսանկար է հրապարակել, ամրապնդելով կասկածները, որ նա քաղաքացիություն է ստացել:
Մամուլում նախօրեին հրապարակումներ էին հայտնվել, որ նրան կարող են Էկվադորի դեսպանատներից դուրս հանել, որտեղ նա կալանավորումից խուսափելու համար վերջին հինգ տարիներին թաքնվում է:
Նախօրեին Էկվադորի ԱԳՆ-ն հայտնել էր, որ WikiLeaks-ի հիմնադիր Ջուլիան Ասանժի ապագայի վերաբերյալ Բրիտանիայի հետ վերջնական որոշման համար որպես միջնորդ «երրորդ երկիր կամ անձ» է փնտրում:
Ասանժը 2012 թվականին բնակություն է հաստատել Լոնդոնում Էկվադորի դեսպանատանը Շվեդիայում բռնաբարության մեղադրանքով կալանավորումից խուսափելու համար: Նա շարունակում է վախենալ, որ նա կարտահանձնվի Միացյալ Նահանգներին եւ կդատապարտվի 2010 թվականին WikiLeaks-ի ԱՄՆ գաղտնի ռազմական փաստաթղթերի եւ դիվանագիտական ուղերձների հրապարակման համար:
Էկվադորը Ասանժի հետ կապված հարցը լուծելու համար միջորդ է փնտրում