Պենտագոնը կշարունակի պաշտպանել ԱՄՆ-ն, չնայած պետական ֆինանսավորման դադարեցմանը, հայտարարել է պաշտպանության նախարար Ջեյմս Մետիսը, փոխանցում է «ՌԻԱ Նովոստի»-ն:
Պետական գերատեսչություններին ֆինանսական միջոցների հատկացման մասին օրենքի ժամկետը լրացել է ուրբաթ օրը: Սենատում հանրապետականները եւ դեմոկրատները չեն կարողացել համաձայնության գալ նոր փաստաթղթի շուրջ, որի արդյունքում դաշնային գերատեսչությունները դադարեցրել են աշխատանքը: Շարունակում են աշխատել միայն այն աշխատակիցները, որոնց աշխատանքը կապված է ծայրահեղ կարեւոր գործառույթների հետ:
«Մենք կշարունակենք ամենօրյա գործողություններ իրականացնել աշխարհում: Նավերը եւ սուզանավերը կմնան ծովում, մեր ինքնաթիռները կշարունակեն թռիչքներ կատարել, մեր զինծառայողները կշարունակեն հետապնդել ահաբեկիչներին Մերձավոր Արեւելքում, Աֆրիկայում եւ Հարավային Ասիայում »,-ընդգծված է Պենտագոնի մամուլի ծառայության տարածած հաղորդագրության մեջ:
Սրա հետ մեկտեղ Մետիսը խոստովանել է, որ «պահեստայիննների պատրաստումը կարող է դադարեցվել»։
Նա ընդգծել է իր անձնական «պարտավորությունը, որ նախարարության ղեկավարությունն ամեն ինչ անի հետեւանքները հնարավորինս մեղմելու համար»:
ԱՄՆ դաշնային գերատեսչություները դադարեցրել են աշխատանքը ֆինանսավորման բացակայության պատճառով
Սպիտակ տունը վերջնագիր է ներկայացրել դեմոկրատներին անօրինական ներգաղթյալների կարգավիճակի հարցով
Թրամփը կշտամբել է դեմոկրատներին հարկային բարեփոխումների «կշիռը նվազեցնելու» փորձերի համար
ԱՄՆ-ում դեմոկրատները քաղաքականությունը վեր են դասում երկրի շահերից․ Սպիտակ տուն
