News
Լրահոս
News
Հինգշաբթի
Մայիս 06
USD
521.45
EUR
628.19
RUB
6.99
ME-USD
0
Տեսնել լրահոսը

Վերջին օրերին լայն քննարկումների առիթ է դարձել Կրթության, գիտության, մշակույթի եւ սպորտի նախարարության կողմից շրջանառության մեջ դրված Հանրակրթության պետական չափորոշիչների մասին նախագիծը։ Ըստ առաջարկվող փոփոխությունների, Հայ եկեղեցու պատմություն առարկան որպես առանձին առարկա չի դասավանդվելու։ Նախատեսվում է, որ 5-6-րդ դասարաններում Հայաստանի եւ հայ ժողովրդի պատմությունը, մշակույթը եւ կրոնը, աշխարհագրությունը, հասարակական կյանքի ոլորտները կներկայացվեն մեկ ինտեգրված առարկայով, այն է՝ Հայրենագիտություն, իսկ 7-12-րդ դասարաններում՝ առանձին առարկաներով: 

Թեմայի շուրջ NEWS.am-ը զրուցել է Մայր Աթոռ Սուրբ Էջմիածնի Քրիստոնեական դաստիարակության կենտրոնի տնօրեն Տ․ Զաքարիա ծայրագույն վարդապետ Բաղումյանի հետ։

Հայր Սուրբ, ի՞նչ մտահոգություններ եւ դիտողություններ ունեք այս  փոփոխության  վերաբերյալ։ Վտանգներ տեսնո՞ւմ եք։

Քանի դեռ հրապարակված չեն առարկայական չափորոշիչները, չենք ցանկանում առաջ ընկնել եւ կարծիք հայտնել։ Հրապարակվելուց հետո պարզ կլինի, թե ինչպես են դասավանդվելու հայրենագիտական առարկաները։ Այն ժամանակ անպայման մեր կարծիքը կարտահայտենք։

ԿԳՄՍ փոխնախարար Ժաննա Անդրեասյանը «Հայկական ժամանակին» տված հարցազրույցում նշել է, որ մինչեւ նախագծի  հանրային քննարկման դնելը՝ Ձեզ հետ փակ աշխատանքային քննարկում է տեղի ունեցել եւ Ձեզնից ոչ մի գրավոր առաջարկ չեն ստացել։ Ի՞նչ քննարկման մասին է խոսքը, բանավոր ի՞նչ եզրահանգման  եք եկել այդ հանդիպմանը։

2020 թ․ հունիսի 11-ին չափորոշիչների առցանց քննարկում է եղել, որին մասնակցել են կրթության փորձագետներ եւ ՀԿ-ների ներկայացուցիչներ։ Այդ ժամանակ առաջին անգամ ՀՀ ԿԳՄՍ նախարարի տեղակալ տիկին Ժաննա Անդրեասյանը ներկայացրել է Հանրակրթության պետական նոր չափորոշչի ընդհանուր փիլիսոփայությունը, եւ ամեն մասնակցի տրվել է 1-2 րոպե ժամանակ ընդհանուր դիտարկումների համար։ Բնականաբար, սա այն ձեւաչափը չէր, որտեղ պետք է քննարկվեր ՀԵՊ առարկայի հարցը։ Քանզի երկուստեք պայմանավորվածություն էր ձեռք բերվել կրթական հարցերը քննարկել 2019 թ․ հունվար 29-ին ստեղծված Հայաստանյայց Առաքելական Սուրբ Եկեղեցու եւ Հայաստանի Հանրապետության հարաբերություններին առնչվող հարցերով աշխատանքային խմբի՝ կրթական հարցերով ենթախմբում։

Հնարավո՞ր է այս հարցով կրկին հանդիպում լինի նախարարության կամ գուցե Ազգային ժողովի ներկայացուցիչների հետ։

Մայր Աթոռ Սուրբ Էջմիածինը միշտ պատրաստ է քննարկել մեր ազգին, եկեղեցուն եւ հասարակությանը հուզող ցանկացած հարց՝ ի շահ եւ ի բարօրություն մեր երկրի։ Այս հարցում եւս Մայր Աթոռը դեռ մեկ տարի առաջ հանդես էր եկել նախաձեռնությամբ եւ պատրաստակամություն էր հայտնել՝ քննարկելու առարկայի բարելավման հարցը։

Տպել
Կարդացեք նաև
Ամբողջը
Մայր Աթոռ Սուրբ Էջմիածինը դատապարտում է Ադրբեջանի կողմից իրականացվող մշակութային եղեռնագործությունը. Հայտարարություն
Մայր Աթոռ Սուրբ Էջմիածինը ցավով է արձանագրում, որ Արցախյան երկրորդ պատերազմի ընթացքում և հետպատերազմյան շրջանում չեն դադարել հայոց հոգևոր և մշակութային ժառանգության հանդեպ…
Ամենայն Հայոց Կաթողիկոսը մեկնել է ԱՄՆ
Նախատեսվում են այլ անձանց և կազմակերպությունների հետ հանդիպումներ, որոնց ընթացքում կարծարծվեն արցախյան երկրորդ պատերազմի պատճառած…
«Հայոց Եկեղեցու պատմություն» առարկայի համար 236 դասաժամի փոխարեն նախատեսվում է 64 դասաժամ. Հայտարարություն
Մայր Աթոռ Սուրբ Էջմիածնի Կրթական հարցերով ենթախումբը հանդես է եկել հայտարարությամբ…
Մեծապես ողջունելի է ԱՄՆ նախագահի իմաստուն ու քաջ քայլը․ Արամ Ա
Այս մասին հայտարարություն է տարածել Մեծի Տանն Կիլիկիո կաթողիկոս Արամ Ա-ն…
Հայոց Ցեղասպանության սուրբ նահատակների ոգեկոչման արարողությունները Մայր Աթոռ Սուրբ Էջմիածնում
Պատարագիչն էր Մայր Աթոռ Սուրբ Էջմիածնի հատուկ հանձնարարություններով Հայրապետական նվիրակ Գերաշնորհ Տ. Պարգև արքեպիսկոպոս Մարտիրոսյանը...
Գարեգին Բ-ն ընդունել է Կենտրոնամերիկյան խորհրդարանի նախագահին
Կենտրոնամերիկյան խորհրդարանում ընդգրկված ժողովուրդները կդառնան կամուրջ Ցեղասպանության ճանաչման գործընթացում...
Ամենաշատ