Ռոսբիոտեխը ստեղծել է մարմարե պանիր՝ հանգստացնող ազդեցությամբ, որը պայմանավորված է պրովանսյան խոտաբույսերի՝ խնկունու, ռեհանի, եղեսպակի, ուրցի, ծոթորի, խնկածաղկի եւ սուսամբարի պարունակությամբ, գրում է Газета.Ru-ն։
Պանիրը պարունակում է նաեւ B, C, E, PP, A խմբերի վիտամիններ եւ հանքանյութեր, որոնց թվում են կալիումը, կալցիումը, մագնեզիումը, նատրիումը, ֆոսֆորը եւ սելենը։ Պանիրը պատրաստված է բնական կաթից՝ առանց լատեքսի եւ արհեստական ներկանյութերի։
Հանգստացնող պանիրը պատրաստվում է այնպես, ինչպես սովորական պանիրը։ Գինը շատ չի տարբերվի ավանդական արտադրանքից։