նախընտրելի դարձնելՊաշտպանության նախարարությունում մեկնարկող կադրային փոփոխությունների վերաբերյալ NEWS.am-ին նոր մանրամասներ են հայտնի դարձել:
Մոտ օրերս կստորագրվեն մի քանի բարձրաստիճան զինվորականների աշխատանքի ազատման դիմումներ` ԶՈւ գլխավոր շտաբի պետի տեղակալ, գեներալ-լեյտենանտ Վալերի Գրիգորյանի, վերջինիս կուրացիայի տակ գտնվող ՊՆ կազմհավաքային վարչության պետ Առաքել Մարտիկյանի:
Իսկ հանրապետության զինկոմ Սերգեյ Չալյանը, ինչպես հաղորդել էր «Հետք»-ը, արձակուրդ գնալու դիմում է գրել: ՊՆ մեր աղբյուրների փոխանցմամբ այս կադրային փոփոխությունները պայմանավորված են զորակոչի հետ կապված որոշ բացահայտումներով: Սեյրան Օհանյանը խիստ հրահանգել էր, որ այս տարի պետք է արդար մոտեցում լիներ եւ բացառվեր ֆինանսական միջամտություններով ցանկալի զորամասերը «բրոնյա» անելը: Սակայն գարնանային զորակոչի ավարտից հետո արդյունքները, մեղմ ասած, Օհանյանին չեն գոհացրել եւ նա կադրային զտումների հարցը խիստ է դրել:
Ըստ ՊՆ-ում շրջանառվող լուրերի, լուրջ է Վալերի Գրիգորյանի հարցը, քանի որ վերջինս զորակոչի կազմակերպման գծով պատասխանատուն է:
