Գերմանիայի կանցլեր Անգելա Մերկելի եւ նրա հիմնական մրցակից Պեր Շտայնբրյուկերի միջեւ նախընտրական բանավեճի ընթացքում, որը կայացել է սեպտեմբերի 1-ի երեկոյան,  շփոթմունք է տեղ գտել:

Մերկելը բանավեճին ներկայացել է սեւ կոստյումով եւ կրած միակ զարդը եղել է ԳԴՀ-ի դրոշի գույներով վզնոցը՝ սեւ, կարմիր, ոսկեգույն: Սակայն վզնոցի գունային հատվածների հերթականությունը նման չի եղել դրոշի գույների հերթականությանը: Այս փաստը ավելի շատ է գրավել հեռուստադիտողների ուշադրությունը, քան հեռուստաբանավեճը: Սխալ  հաջորդականությամբ  վզնոցը Բելգիայի դրոշին է նման եղել, հստակեցնում է lenta.ru-ն:

Բանավեճից 15 րոպե անց Twitter-ում հայտնվել է  Deutschland Kette էջը (Գերմանիայի վզնոց), որը հենց զարդն «է վարում» , հաղորդում է «ՌԻԱ Նովոստին»:

«Նա ինձ ճիշտ չի կրում: Ես Բելգիան չեմ», - ասվում է գրառումներից մեկում: Այնուհետեւ Deutschland Kette-ը քննարկումներում գրոմ է, որ «ինքը ձանձրանում է», իսկ «Պերը մշտապես թարս է նայում իրեն»: 

Միկրոբլոգի գոյության առաջին իսկ օրվանից   դրա հետեւորդն է դարձել  վեց հազար մարդ: