ԱՄՆ-ն եւ Ռուսաստանն իրենց տարածքում ապրող միգրանտների թվով աշխարհի երկրների ցուցակի առաջին տեղում են: Այս մասին է վկայում ՄԱԿ-ի փորձագետների ներկայացրած զեկույցը: Երրորդ տեղում է Գերմանիան:

Ըստ զեկույցի`ԱՄՆ-ում ապրում է 45,8 միլիոն միգրանտ,  Ռուսաստանում` 11միլիոն, Գեմանիայում` 9,8 միլիոն: Այնուհետեւ հաջորդում է Սաուդյան Արաբիան (9,1 միլիոն), ԱՄԷ-ն (7,8 միլիոն), Մեծ Բրիտանիան (7,8 միլիոն): Տասնյակում են ընդգրկվել նաեւ Ֆրանսիան (7,4 միլիոն), Կանադան  (7,3 միլիոն), Ավստրալիան (6,5 միլիոն) եւ  Իսպանիան (6,5 միլիոն):

Միգրանտների ամենամեծ հոսքն անցնում է Մեքսիկայի եւ ԱՄՆ-ի սահմանը: 2013թ. այդ ուղղությամբ դիմել են 13 միլիոն մարդ, հայտնում է rbc-ն:

Ըստ ՄԱԿ-ի զեկույցի` 2013թ. հայրենիքի սահմաններից դուրս ապրում է 232 միլիոն մարդ կամ Երկրի ազգաբնակչության 3,2%-ը:

Եվրոպայում եւ Ասիայում  գրեթե նույն քանակությամբ միգրանտներ են բնակվում` համապատասխանաբար 72 եւ 71 միլիոն մարդ:

Այդ տարածքներում բնակվում է միջազգային միգրանտների երկու երրորդը: 2000թ. սկսած` Ասիայում միգրանտների թիվն աճել է 20 միլիոնով: