ԵԽԽՎ-ի նախընտրական դիտորդական առաքելությունը հոկտեմբերի 9-ի ընտրությունների նախաշեմին հանդես է եկել Ադրբեջան ճանաչողական այցի արդյունքների վերաբերող հայտարարությամբ:

Պատվիրակության անդամները կարծում են, որ հավանաբար, կայանալիք ընտրությունները մրցակցային կլինեն: Նախագահի թեկնածուների գրանցումը դեռ ավարտված չէ, ամենայն հավանականությամբ, նրանց թիվը  10 կլինի:  Միաժամանակ, գործող նախագահի  «հուսալի մրցակիցների» բացակայությունը դարձել է համազգային  լուրջ բանավեճերի բացակայության պատճառ: Ընդդիմության հավանական թեկնածուների քաղաքական պլատֆորմների տարբերությունը բավական անորոշ է, պայքարն ընթանում է անձերի բախման մակարդակով:

ԵԽԽՎ-ի դիտորդները հիասթափված են քարոզարշավ չանցկացնելու վերաբերյալ նախագահ Իլհամ Ալիեւի կայացրած որոշումից:  Միաժամանակ, լրատվամիջոցներում նրա հաճախակի ներկայությունը, որը բացատրվում է նախագահի պարտականությունների կատարմամբ, մյուս թեկնածուներին անշահեկան դրության մեջ է դնում: 

ԵԽԽՎ-ի զեկույցներում պարունակվող բազմաթիվ խորհուրդներ չեն իրագործվել: «Դա հատկապես վերաբերում է կարծիքի, հավաքների եւ կազմակերպությունների արտահայտման ազատության վերաբերյալ առաջարկներին. ինչպես նաեւ բազմակարծությանը: Ընտրական հանձնաժողովների կազմի հետ կապված՝ Վենետիկի հանձնաժողովի խորհուրդները պատշաճ կերպով չեն հաշվի առնվել», -  նշվում է փաստաթղթում, հաղորդում է «Թուրանը»: 

7 հոգուց կազմված պատվիրակությունը Բաքվում է գտնվել 2013թ. սեպտեմբերի 10-13-ը: