Չինաստանի Հեբեյ նահանգի Դունցզան գյուղի բնակիչ 47-ամյա Չժեն Յանլյանը մետաղասղոցով եւ սովորական անդամահատել է սեփական  ոտքը:

Պատճառը փողի բացակայությունն է եղել: Ագարակատեր Չժենը  վիրահատություն համար գումար չուներ եւ այդ պատճառով ինքն է այն կատարել:

Ամեն ինչ սկսվել էր որովայնի սուր ցավերից, որոնք ժամանակի ընթացքում ոտքին են անցել: Չժենին երկու ոտքերի երակների լայնացում էին ախտորոշել: Դեղերը չինացուն չեն օգնել, իսկ ցավն այնքան ուժեղ է եղել, որ իր տնքոցներով հարեւաններին չի թողել քնել: 

3 ամիս անց բժիշկները Յանլյանին հայտնել էին, որ իր մոտ փտախտ է սկսվել ւ որ իրենք չեն կարող փրկել  նրա ոտքը: Ըստ բժիշկների` չինացուն մնացել էր մեկ ամսվա կյանք, նրան տուն էին ուղարկել` մահանալու, գրում է  «Կոմսոմոլսկայա պրավդան»` վկայակոչելով  Daily Mail-ը:

Սակայն Չժենը չէր համակերպվել այդ ախտորոշման հետ եւ վճռել էր ազատվել հիվանդ ոտքից, երբ կինը քնել էր:

Նա դանակով կտրել էր մաշկը, իսկ մետաղասղոցով` ոսկորը: Կնոջն, այնուամենայնիվ, նա արթնացրել էր, քանի որ մետաղասղոցը կոտրվել էր: Բարեբախտաբար, արյուն շատ չէր կորցրել: 

Վիրահատությունը փրկել է Չժեն Յանլյանի կյանքը: Սակայն վարակը տարածվել է նաեւ ձախ ոտքին եւ այժմ, դրանից էլ չզրկվելու համար, վիրահատություն է անհրաժեշտ: