Հայտնի է դարձել, որ Դիլիջանում այսօր` դեկտեմբերի 24-ին, կրակոցներից վիրավորվածներից մեկը «տեղական հեղինակություն» Նավոն է, հաղորդում է Aravot.am-ը:

Կայքի՝ ոստիկանության մոտ կանգնած աղբյուրը հայտնել է, որ դեկտեմբերի 24-ին  Դիլիջանում երիտասարդների երկու խմբի միջեւ տեղի է ունեցել վիճաբանություն, որին հետեւել են կրակոցներ: Կռվի  պատճառը եղել է   նախկինում ունեցած    անհաշտ հարաբերությունը: Վիրավոր երիտասարդներից մեկին տեղափոխել են Երեւանի բժշկական հաստատություններից մեկը:

Ներկայումս Դիլիջանի բժշկական կենտրոնում ընթանում է Դիլիջանի 33-ամա բնակիչ Նավասարդ Աբգարյանի (Նավո) վիրահատությունը: Վերջինս  Դիլիջանի մեծահարուստ, «Հաղարծին» ռեստորանային համալիրի սեփականատեր  Արմեն Աբգարյանի եղբոր որդին է:

Ավելի վաղ NEWS.am-ը հայտնել էր, որ այսօր՝ դեկտեմբերի 24-ին, Դիլիջանում կրակոցներ են հնչել, ինչի արդյունքում կա երկու տուժող կա: 

Դիլիջանի բժշկական կենտրոնից NEWS.am-ին հայտնել էին, որ իրենց մոտ է տեղափոխվել տուժողներից մեկը, ում այդ պահին վիրահատում էին եւ դեռ չեն կարող ասել կյանքին վտանգ սպառնում է, թե՝ ոչ: Ավելին` նրան փրկելու համար Երեւանից էլ են մասնագետներ հրավիրվել:

Առավել մանրամասն՝ սկզբնաղբյուր կայքում