Ըստ բրիտանական Տնտեսական և գործնական հետազոտությունների կանխատեսման կենտրոնի (CEBR)`մինչեւ 2030թ. Մեծ Բրիտանիան կդառնա  Եվրոպայի խոշորագույն տնտեսությունը` առաջ անցնելով ներկայիս առաջատար Գերմանիայից:  Այս մասին հաղորդվում է CEBR-ի մամուլի հաղորդագրության մեջ: 

Ըստ կենտրոնի` կան մի քանի գործոններ, որոնք կօգնեն Մեծ Բրիտանիային ունենալ խոշորագույն տնտեսության կարգավիճակ. առաջին հերթին դա բնակչության թվաքանակի աճն է, բարենպաստ հարկային  համակարգը եւ եվրագոտու ճգնաժամային երեւույթներից հարաբերական մեկուսացումը:

Իր հերթին Գերմանիան այնքան էլ լավ չի զարգանա, ինչպես Մեծ Բրիտանիան` ժողովրդագրական դժվարությունների  եւ եվրագոտու թույլ տնտեսություններին օգնելու անհրաժեշտության պատճառով:

Մեծ Բրիտանիան պետք է իր արտահանումը ուղղորդի դեպի ավելի արագ զարգացող շուկաներ, նշվում է զեկույցում: Լոնդոնի առաջ դրված դժվարությունների շարքում է նաեւ երկրի փլուզման վտանգը, հայտնում է lenta.ru-ն: