Թուրքիայում կոռուպցիոն սկանդալներից հետո Ստամբուլի կենտրոնում բողոքի ակցիայի դուրս եկած քաղաքացիների դեմ ոստիկանությունը ջրցան մեքենաներ եւ արցունքաբեր գազ է կիրառել։

Թուրքական Hurriyet-ի փոխանցմամբ՝  դեկտեմբերի 27-ին, թուրքական կառավարության հրաժարականի պահանջով  Ստամբուլի Իսթիքլալ պողոտայում բողոքի ակցիայի դուրս եկած քաղաքացիների դեմ ոստիկանությունը խիստ մեթոդներ է կիրառել։

Բողոքի ակցիան սկսվելու էր երեկոյան 19։30-ին, սակայն ոստիկանությունը սկսել է միջամտությունն արդեն 18։30-ին, քանի որ արդեն մեծ թվով քաղաքացիներ սկսել էին բողոքի երթ անել։

Ոստիկանությունը բողոքի դուրս եկած քաղաքացիների դեմ կիրառել է կոշտ մեթոդներ՝ օգտագործելով ջրցան մեքենաներ եւ արցունքաբեր գազ։

Ոստիկանությունը ձերբակալել է նաեւ ակցիայի մասնակից 70 քաղաքացու։