Ղրղըզստանի նախագահի նախկին թեկնածու,   բժիշկ-նարկոլոգ  Ժենիշբեկ Նազարալիեւը երկրի իշխանություններին երկրի իշխանություններին առաջարկել է օրինականացնել մարիխուանան, մասնավորապես դիտարկել Իսսիկ-Կուլ լճի շրջակայքում օրինական կերպով կանեփ աճեցնելու փորձնական ծրագիրը:

Ըստ նրա՝ ներկայումս երկրում թմրանյութերի ապօրինի շուկան վերահսկվում է ստվերային տնտեսության կողմից: Թմրանյութերի օրինականացումը կօգնի կազմակերպված հանցավորության դեմ պայքարին եւ կավելացնի հարկային  եկամուտները:

Ըստ մասնագետների՝  Ղրղըզստանում ընտանիքների երկու երրորդ մասը զբաղվում է մարիխուանա աճեցնելով եւ վաճառելով:

Ըստ պաշտոնական տվյալների՝ հանրապետությունում աճեցված թմրանյութը միջազգային ցանցի միջոցով արտահանվում է Ռուսաստան եւ ԵՄ-ի երկրներ: Այդ պատճառով էլ իշխանությունները կարծում են, որ օրինականացումը չի կարող նվազեցնել թմրանյութերի առեւտուրը, հայտնում է «Ռադիո Ազատտիկը»: