Այս տարվա ընթացքում շոգի պատճառով ձկների զանգվածային մահացության առաջին դեպքն է արձանագրվել Ռոստովի մարզի Կաշարյան շրջանում, հաղորդել է Կենդանիների հիվանդությունների դեմ պայքարի շրջանային կայանը։ 

Այս ամիս շրջանում  40 աստիճան շոգ է հաստատվել։ «Կաշարյան ջրամբարում  400 կիլոգրամ քաղցրահամ ջրերի ձուկ է սատկել», — ասված է հաղորդագրությունում։ Սատկում են ձկների բոլոր տեսակներն ու խեցգետինները։ Մահը վրա է հասնում շնչահեղձության հետեւանքով։ 

Ձկների զանգվածային մահացության ամենախոշոր դեպքը տեղի է ունեցել  2012 թվին՝ Նովոչերկասյան ձկնարտադրական կոմբինատում, որտեղ  300 տոննա ձուկ էր սատկել։