նախընտրելի դարձնել
Ադրբեջանում վրդովված են բժիշկների վարքով, որոնք հրաժարվել են օգնել ավտովթարից տուժած քաղաքացուն:
Ինչպես գրում է haqqin.az-ը, միջադեպի մասին տեղեկատվությունը Facebook-ի իր էջում տեղադրել է տուժածի հարազատներից մեկը, որը լրագրող է:
«Մի քանի ժամ առաջ Գերանբոյում իմ հորեղբոր որդուն՝ Թոգրուլ Հասիմովին հարվածել է մեքենան: Շտապօգնություն են կանչել, բայց բժիշկները հրաժարվել են ժամանել դեպքի վայր»,-գրել է լրագրող Ռուսլան Բաշիրլին:
Լրագրողի խոսքով, բժիշկները հրաժարվում են բժշկական օգնություն տրամադրել հիվանդանոցում, որտեղ նրան տեղափոխել են հարազատները:
«Հիվանդանոցի ղեկավարությունը նույնպես հրաժարվել է մեքենա տրամադրել վիրավորին Բաքու հասցնելու համար: Մեքենա են տրամադրել միայն ոստիկանության աշխատակիցների միջամտությունից հետո»,-գրել է լրագրողը:
