Մենք երբեք չենք ասել, որ Երեւանի «Զվարթնոց» օդանավակայանում ավիատոմսերի գները շատ ցածր են, բայց հավաստիացնում են, դրանք մրցունակ են տարածաշրջանային գների համեմատ։ Այս մասին հունվարի 26-ին Կառավարության նիստից հետո լրագրողների հետ զրույցի ժամանակ ասել է Հայաստանի Քաղավիացիայի գլխավոր վարչության ղեկավար Սերգեյ Ավետիսյանը։

Նրա խոսքով, շատ դեպքերում «Զվարթնոց» օդանավակայանում տոմսերի գներն ավելի ցածր են, քան այդ նույն Վրաստանում ու հարեւան երկրներում։ «Ինչո՞ւ են մեր հայրենակիցները շարունակում թռչել Թբիլիսիով։ Վրացական ավիացիոն շուկայի վրա ազդում են սպեցիֆիկ գործոններ, որոնք մեր երկրում չկան։ Այո, որոշակի եվրոպական ուղղություններ, հիմնականում, որոնք որպես տարանցիկ կետ Ստամբուլն են օգտագործում, մեր շուկայում զիջում են ներկայության մակարդակով։ Այն հարցի պատասխանը, թե ինչու  թուրքական ավիաընկերությունները այդքան ակտիվ չեն Հայաստանում, բոլորին ակնհայտ է»,- նշեց Ավետիսյանը։ մեր հայրենակիցների մասնակցությամբ դեպի Եվրոպա պոտենցիալ չվերթների 99 տոկոսը, հավելել ՔՎԳՎ ղեկավարը, իրականացնում է թուրքական «Պեգասուս» բյուջետային ավիաընկերությունը։