նախընտրելի դարձնելԵրեւանում, հունվարի 25-27-ին անցկացված «Էներգետիկայի շաբաթ 2017»-ի շրջանակներում կազմակերպված ներդրումային համաժողովը ցույց տվեց, որ արտաքին ներդրողները լուրջ հետաքրքրություններ ունեն Հայաստանում արդյունաբերական մասշտաբի արեւային կայանների կառուցման ծրագրի իրականացման նկատմամբ։ Հայաստանի վերականգնվող էներգետիկայի եւ էներգախնայողության հիմնադրամի տնօրեն Թամարա Բաբայանի խոսքով, համաժողովին մասնակից գրեթե բոլոր միջազգային ընկերությունները պատրաստակամություն են հայտնել մասնակցելու Գեղարքունիքի վարչական տարածքում նախատեսվող արեւային կայանի կառուցման նպատակով հայտարարվող մրցույթին։
Հիշեցնենք, որ համաժողովում ներկայացվեց «Մասրիկ 1» արեւային կայանի կառուցման ծրագիրը, որի նախատեսված հզորությունը 50 մեգավատ է։ Մրցույթի հիմնական պայմաններից մեկը առաջարկվող սակագինն է։
«Էներգետիկայի շաբաթ 2017» նախաձեռնության շրջանակներում նախատեսված բոլոր միջոցառումները հաջողությամբ իրականացվել են։ Մասնակցել է ավելի քան 4 տասնյակ ընկերություն։ Մասնակիցների ընդհանուր թիվը հասնել է շուրջ 400-ի։
Ըստ Թամարա Բաբայանի, համաժողովի մասնակիցները բարձր են գնահատել արեւային էներգետիկայի ոլորտում ցուցաբերված բարձր պրոֆեսիոնալիզմն ու աշխատանքների կազմակերպման թափանցիկությունը։
-Չնայած համաժողովի անցկացման օրերին Երեւանում մառախլապատ եղանակ էր, այնուհանդերձ դա չխանգարեց, որպեսզի մասնակիցները դրական գնահատեն Հայաստանի արեւային ռեսուրսը, -ընդգծեց հիմնադրամի տնօրենը:
