Միացյալ Թագավորությունում «իրական հետաքրքվածություն» է հայտնվել Տրանս-Խաղաղօվկիանոսյան համագործակցության նկատմամբ Brexit-ի ավարտից հետո։ Այս մասին հաղորդել է Ավստրալիայի վարչապետ Մալկոլմ Տերնբուլը՝ հավելելով, որ Լոնդոնի հետ նախնական քննարկումներ են անցկացվել Տրանս-Խաղաղօվկիանոսյան համագործակցությանը միանալու մասին, փոխանցում է Reuters-ը։

Նա նշել է, որ Տրանս-Խաղաղօվկիանոսյան համագործակցությանը գրավիչ է Բրիտանիայի համար, քանի որ միանալու պարագայում նա միանգամից կդառնա 11 երկրների հետ առեւտրային համաձայնագրի մաս։ Ավստրալիայի վարչապետը նշել է, որ այս հարցը պետք է քննարկել բոլոր 11 երկրների՝ այդ թվում, Ավստրալիայի հետ։