նախընտրելի դարձնելՊետեկամուտների կոմիտեի աշխատակիցների համատեղ իրականացված ստուգման արդյունքում, Նորագավիթում գործող «Աղայան Գրուպ» արտադրամասում հայտնաբերվել է շուրջ 3000 շիշ շշալցված եւ չդրոշմավորված օղի:
ՊԵԿ-ի մամուլի ծառայությունից NEWS.am-ին հայտնում են, որ պարզվել է, որ արտադրամասը շարունակել է գործունեությունն, այն դեպքում, երբ կոոպերատիվի շշալացման լիցենզիայի ժամկետը լրացել էր դեռեւս 2009 թվականի սեպտեմբերին: Հայտնաբերվել են նաեւ կեղծ եւ ժամկետանց դրոշմանիշերով օղիներ:
Համատեղ միջոցառումների արդյունքում արտադրամասում նաեւ պակաս օղու քանակ է բացահայտվել:
Համաձայն Շենգավիթի հարկային տեսչություն ներկայացրած «Աղայան Գրուպ» կոոպերատիվի տեղեկությունների, արտադրամասում պետք է լիներ շուրջ 5000 շիշ դրոշմավորված օղի: Մինչդեռ ստուգումների պահին, պարզվել է, որ առկա է ընդամենը 1860-ը: Պակաս օղու քանակի վերաբերյալ, սակայն, օպերատիվ հետախուզության վարչության Շենգավիթի բաժնի աշխատակիցներին, կոոպերատիվի պաշտոնատար անձանց կողմից, այդպես էլ որեւէ հիմնավոր բացատրություն չի տրվել: Ստուգման արդյունքում հայտնաբերված խախտումների վերաբերյալ նյութերն ուղարկվել են ՊԵԿ հետաքննչական վարչություն:
