նախընտրելի դարձնել
Լոռու մարզում, մայիսի 4-ին ժամը 22:20-ի սահմաններում Ալավերդի-Վանաձոր ավտոճանապարհի 10-րդ կմ-ում տեղի է ունեցել ավտոպատահար, կան տուժածներ:
Հայաստանի ԱԻՆ փրկարար ծառայությունից NEWS.am-ին հայտնում են, որ դեպքի վայր է մեկնել մարզային փրկարական վարչության փրկարական ջոկատը:
Տուժածները դուրս են բերվել ավտոմեքենայից, այնուհետեւ տեղափոխվել Ալավերդի քաղաքի հիվանդանոց:
Դեռեւս չպարզված համգամանքներում «ՎԱԶ 2121» մակնիշի 28 ՕՍ 974 համարանիշի ավտոմեքենան դուրս է եկել ճանապարհի երթեւեկելի մասից եւ ընկել ձորը, ինչի հետեւանքով մարզի Մարց գյուղի բնակիչներ, 47-ամյա Մհեր եւ 21-ամյա Արթուր Սարգսյանները ստացել են տարբեր աստիճանի մարմնական վնասվածքներ:
Տուժածների առողջական վիճակը գնահատվել է միջին ծանրության:
