նախընտրելի դարձնել
Պետք է փաստել, որ ՀՀ ԱԱԾ համապատասխան ստորաբաժանման կողմից ինքնին հաստատվում է պաշտպանյալիս այլուրեքությունը, քանի որ վերջինս եթե նույնիսկ համապատասխան IP հասցեով մուտք է գործել համացանց, դա եղել է Գագիկ Սողոմոնյանի կողմից գրառումը կատարելուց առնվազն 6 րոպե անց, որպիսի հանգամանքն ինքնին հավաստում է, որ իմ պաշտպանյալը չի կարող լինել «Գագիկ Սողոմոնյան»։ Այս մասին ֆեյսբուքյան իր էջում գրել է ֆեյքի գործով կալանավորված Արամ Սարգսյանի պաշտպան Բենիկ Գալստյանը։
«ՀՀ ԱԱԾ համապատասխան ստորաբաժանման կողմից ձեռնարկված օպերատիվ-հետախուզական միջոցառումների արդյունքում պարզվել է, որ 2021թ. փետրվարի 19-ին՝ ժամը 20:40-ից 20:42-ի սահմաններում «Gagik Soghomonyan» ֆեյսբուքյան էջում կատարվել է գրառում:
Միեւնույն ժամանակ նշվել է, որ նույն օրը՝ 2021թ. փետրվարի 19-ին՝ ժամը 20:48-ին Հայաստանից 178.17.168.170 IP համացանցային հասցեին միացել է իմ պաշտպանյալ, երեք անչափահաս երեխաների հայր Արամ Սարգսյանի բնակարանում տեղադրված UCOM սարքը։
Զգացի՞ք զավեշտը՝
ըստ էության քրեական գործով քննարկվող ֆեյսբուքյան օգտատերն իր գրառումը կատարել է մինչեւ 20:42-ը ներառյալ ընկած ժամանակահատվածում, այնինչ պաշտպանյալս հիշյալ հասցեին միացել է միայն 20:48-ից հետո:
Հաշվի առնելով այն հանգամանքը, որ համացանցային կարգավորման ենթակա ժամի ամրագրումը բարդ, բազմաշերտ պաշտպանվող երեւույթ է եւ ենթակա չէ կառավարման թե ՀՀ ԱԱ ծառայության, թե վարչապետի եւ թե առավել եւս «Գագիկ Սողոմոնյան» օգտատիրոջ կողմից՝ պետք է փաստել, որ ՀՀ ԱԱԾ համապատասխան ստորաբաժանման կողմից ինքնին հաստատվում է պաշտպանյալիս այլուրեքությունը, քանի որ վերջինս եթե նույնիսկ համապատասխան IP հասցեով մուտք է գործել համացանց, դա եղել է Գագիկ Սողոմոնյանի կողմից գրառումը կատարելուց առնվազն 6 րոպե անց, որպիսի հանգամանքն ինքնին հավաստում է, որ իմ պաշտպանյալը չի կարող լինել «Գագիկ Սողոմոնյան»»,- գրել է նա։
