նախընտրելի դարձնել
ՆԱՏՕ-ն ԵՄ-ին եւ Թուրքիային կոչ է արել բարելավել հարաբերությունները՝ իր դաշնակիցների նկատմամբ ԱՄՆ նախագահ Դոնալդ Թրամփի քաղաքականության եւ եվրոպական երկրների անվտանգության երաշխիքները չեղարկելու սպառնալիքների ֆոնին։ Այս մասին նշվել է Financial Times-ի հրապարակման մեջ։
Ինչպես նշվել է, ՆԱՏՕ գլխավոր քարտուղար Մարկ Ռյութեն մասնավոր կերպով կոչ է արել ԵՄ առաջնորդներին ակտիվացնել փոխգործակցությունը նախագահ Ռեջեփ Թայիփ Էրդողանի հետ տարիներ շարունակ լարված հարաբերություններից հետո:
Դա տեղի է ունենում այն ժամանակ, երբ Բրյուսելն ուսումնասիրում է Թուրքիայի եւ ԵՄ այլ՝ ոչ հարեւանների հետ համագործակցությունը մեծացնելու ուղիները եվրոպական պաշտպանական կարողությունների մեծ ընդլայնման շրջանակում:
Պարբերականը հիշեցրել է, որ Թուրքիայի արտաքին գործերի նախարար Հաքան Ֆիդանը մասնակցել է այս ամսվա սկզբին Լոնդոնում կայացած Եվրոպայի խոշոր ռազմական տերությունների հանդիպմանը՝ քննարկելու Ուկրաինային աջակցությունը եւ ավելի լայն պաշտպանական հարցեր:
Երեք աղբյուրների խոսքով՝ դա հաջորդել է փետրվարին ԵՄ առաջնորդների հետ մասնավոր ճաշի ժամանակ Ռյութեի ունեցած ելույթին, որտեղ նա նշել է Թուրքիայի հետ ավելի մեծ համագործակցության կարեւորությունը եւ ներկաներին հորդորել է աշխատել Անկարայի հետ՝ այն արդյունավետ դարձնելու համար:
Հունվարին ՆԱՏՕ գլխավոր քարտուղարը Եվրախորհրդարանում ելույթի ժամանակ ընդգծել է, որ «ԵՄ ոչ դաշնակիցների ներգրավումը ԵՄ պաշտպանական արդյունաբերական գործունեությանը մասնակցելուն» «կենսական նշանակություն ունի Եվրոպայի անվտանգության համար»:
«Ամեն ինչ փոխվում է։ Որոշակի պահի դուք պետք է որոշեք, թե ում եք ուզում ձեր թիմում՝ անկախ ձեր ունեցած խնդիրներից»,- ասել է ԵՄ բարձրաստիճան պաշտոնյան Թուրքիայի հետ հարաբերությունների մասին:
Միեւնույն ժամանակ նա ավելացրել է, որ Անկարան պետք է «զբաղվի իր երկիմաստությամբ Ռուսաստանի հետ հարաբերություններում»։
Թուրքիան չի միացել ԵՄ-ին եւ արեւմտյան այլ դաշնակիցներին՝ ուղղակի պատժամիջոցներ կիրառելով Մոսկվայի դեմ՝ ի պատասխան նրա լայնածավալ ներխուժման Ուկրաինա, եւ պահպանել է ամուր տնտեսական եւ էներգետիկ կապեր Ռուսաստանի հետ:
Թուրքիան պաշտոնապես ԵՄ անդամակցության թեկնածու է, սակայն այս գործընթացը վաղուց լճացած է։ Եվրամիությունը դադարեցրել է երկխոսության տարբեր ուղիները, այդ թվում՝ անվտանգության եւ պաշտպանության հետ կապված, մասամբ Թուրքիայի եւ Հունաստանի միջեւ լարվածության աճի պատճառով:
Վերջերս Թուրքիայի արտգործնախարար Ֆիդանը հայտնել է, որ Թուրքիան պատրաստ է միանալ եվրոպական անվտանգության ցանկացած նոր ճարտարապետության, եթե ՆԱՏՕ-ն փլուզվի։
