Նախընտրելի
ԱՄՆ բանակի էլիտար Delta Force և ԱՄՆ ռազմածովային ուժերի SEAL ստորաբաժանումները մասնակցել են Իրանի կողմից խոցված ամերիկյան կործանիչի երկրորդ օդաչուին փրկարարական գործողությանը, հաղորդում է CNN-ը՝ հղում անելով իրադրությանը ծանոթ աղբյուրին։
Աղբյուրի խոսքով՝ նրանք հարյուրավոր հատուկ նշանակության գործողությունների աշխատակիցների, ինչպես նաև ԱՄՆ ռազմական և հետախուզական անձնակազմի թվում էին, որոնք մասնակցել են ԱՄՆ ռազմաօդային ուժերի գնդապետի առաքելության նախապատրաստմանը, փրկարարական գործողությանը և տարհանմանը Իրանի տարածքից։
Ինչպես ավելի վաղ հայտնել էր հեռուստաալիքը, վիրավոր սպան, ի վերջո, փրկվել է երկու օրվա ռիսկային որոնումներից հետո։ Նրա F-15E Strike Eagle կործանիչը խոցվել է ուրբաթ օրը՝ Իրանի հարավ-արևմուտքում գիշերային առաքելության ժամանակ։ Առաջին օդաչուն հայտնաբերվել և տարհանվել է Իրանից ուրբաթ օրը։
Աղբյուրը հայտնել է, որ կործանիչը պատկանում է ԱՄՆ ռազմաօդային ուժերի 48-րդ ավիափոխադրման թևին, որի ինքնաթիռները Մեծ Բրիտանիայի Լեյքենհիթ ավիաբազայից տեղակայվել են Մերձավոր Արևելք։ Հրատարակության մեջ նշվում է, որ բարձրաստիճան պաշտոնյաները որոնողական-փրկարարական գործողությունը բնութագրել են որպես ամենադժվար մարտական առաքելություններից մեկը՝ տեղանքի և թշնամական միջավայրի պատճառով։
