Ճապոնացի մասնագետները բարձր զգայնությամբ սենսոր են մշակում, որի օգնությամբ հույս ունեն շնչառությամբ քաղցկեղ կամ այլ ծանր հիվանդություններ ախտորոշել: Տեղական լրատվամիջոցների փոխանցմամբ, նախագծին մասնակցում են ճապոնական մի շարք խոշոր ընկերությունների եւ համալսարանների մասնագետներ:
Ենթադրվում է, որ ցուցիչն արձանագրելու է ինքնատիպ օրգանական միացությունները, որոնք առկա են հիվանդ մարդու արտաշնչած օդում: Սարքը կարելի է միացնել սմարթֆոնին եւ ինքնուրույն անալիզներ «հանձնել»:
Ըստ ՏԱՍՍ գործակալության, գիտնականներն արդեն սարքի նախատիպն են ստեղծել, սակայն այն վերջնական տեսքի բերելու համար մի քանի տարի կպահանջվի: