Ամերիկյան Նյու Ջերսի նահանգից Իսիդոր Հելֆ Քեմփբել եւ Ջոյմս Լին ամուսիններին զրկել են ծնողական իրավունքներից այն բանի համար, որ իրենց երեխաներին Ադոլֆ Հիտլեր եւ Արիական Ռասա են կոչել:
Բացահայտորեն նացիստական գաղափարների հետեւող զույգին սկսել են ճնշել 2008 թվականից, երբ իրենց որդու համար «Ծնունդդ շնորհավոր, Հիտլեր» գրությամբ տորթ են պատվիրել: Հրուշակագործները բողոքել են երեխաների պաշտպանության ծառայություն: Սոցիալական ծառայության աշխատակիցները հանդիպել են ծնողներին, երեխաների հետ նրանց վերաբերմունքի մեջ դատապարտելի ոչինչ չեն գտել, սակայն, ամեն դեպքում, նրանցից վերցրել են փոքրիկ Հիտլերին եւ Արիական Ռասային:
Ավելի ուշ ամերիկացիներին զրկել են ծնողական իրավունքներից: Երեխաների հոր խոսքով, պարզապես ինքը «սրբորեն հավատում է ռասայական զտմանը» եւ ոչ մի դեպքում չի ցանկացել ծաղրել սեփական երեխաներին:
Ըստ «Վեստիի», իրենց տեսակետներն աշխարհին բացատրելու համար զույգը «Meet The Hitlers» անվանումով վավերագրական ֆիլմ է նկարահանել, որը համացանցում հայտնվել է ապրիլի 5-ին: