Բրիտանացի նորապսակներ Ադամ եւ Ջոդի Դոբբերը թողել են աշխատանքն ու վաճառել տունը՝ աշխարհի շուրջ մեղրամսի ճամփորդության համար: Ամուսիններն ուղեւորության համար 25 հազար ֆունտ սթեռլինգ են ծախսել: Այս մասին գրում է Gazeta-ն՝ վկայակոչելով The Sun-ը:
8 ասմվա ընթացքում Նոթինգեմշիրի բնակիչներն այցելել են ԱՄԷ, Ինդոնեզիա, Ավստրալիա, Նոր Զելանդիա, ԱՄՆ, Բրազիլիա, Արգենտինա: Զույգը եղել է թանգարաններում, պատկերասրահներում, զբոսայգիներում, տեսարժան այլ վայրերում, ինչպես նաեւ մասնակցել արշավների եւ լողացել օվկիանոսներում:
Այս շաբաթ ամուսիններն ուղեւորվելու են Պերու, որտեղից էլ՝ Էկվադոր, Կոլումբիա, Գվատեմալա, Բելիզ եւ Մեքսիկա:
Բրիտանուհին նշել է, որ ճամփորդությունն ամրապնդել է ամուսնու հետ իր հարաբերությունները: