Արգենտինական Սան Կառլոս դե Բարիլոչե քաղաքում յուրաքանչյուր երեխայի ծնվելու առիթով ծառ կտնկեն: Քաղաքային խորհուրդը միաձայն հաստատել է այս որոշումը:
Նախագծի համաձայն, ծնողները կարող են ինքնուրույն ընտրել, թե ինչ ծառ պետք է տնկվի իրենց երեխայի ծննդյան պատվին: Ըստ ՏԱՍՍ-ի, միակ սահմանափակումն այն է, որ բույսը պետք է տեղական ֆլորայի ներկայացուցիչ լինի:
Տեղական առողջապահության նախարարության տվյալներով, ամեն տարի Սան Կառլոս դե Բարիլոչեում միջինը 2500 երեխա է լույս աշխարհ գալիս:
Նախաձեռնության հեղինակները հույս ունեն, որ այս միջոցը թույլ կտա վերականգնել վերջին տարիներին լրջորեն տուժած անտառները:
