Reviews
Լրահոս
Reviews
Ուրբաթ
Մարտ 29
Տեսնել լրահոսը

 «Հրապարակ» թերթը գրում է. «Օրերս աշխատանքից ազատվել է ՀԱԷԿ ՓԲԸ տնօրեն Գագիկ Մարկոսյանը։ Արդեն մի քանի օր է Մեծամորի ատոմակայանի տնօրենի պարտականությունները կատարում է Մովսես Վարդանյանը, որը նշանակվել է ժամանակավոր պաշտոնակատար։ Նախկինում նա առոմակայանի գլխավոր ճարտարապետն էր։ Կադրային փոփոխությունները, մեր տեղեկություններով, առնչվում են ազգային անվտանգության խնդիրներին։ Հետաքրքիր է, որ էներգետիկայի  եւ բնական պաշարների նախարարությունը ոչ մի պաշտոնական հայտարարություն այս մասին չի տարածել, կարծես ոչ թե մեր գլխավոր ռազմավարական օբյեկտի տնօրենն է փոխվել, այլ գյուղական մասնաճյուղի մի էլեկտրիկ։ Նախարարության այս գաղտնի գործելաոճը մեզ կասկածների տեղիք տվեց, եւ պարզեցինք, որ գործից ազատվել են նաեւ ատոմակայանի երկու փոխտնօրենները, որոնցից մեկը կալանավորված է։ Այս տեղեկությունները մասամբ հաստատեց ՀԱԷԿ ՓԲԸ տնօրենի պաշտոնակատար Մովսես Վարդանյանը։ «Գագիկ Մարկոսյանը մի քանի օր առաջ ազատվել է»,- ասաց նա։ Հարցին, թե որն է եղել ազատման պատճառը, պատասխանեց. «Իր դիմումի համաձայն»։

Կալանավորված անձինք կա՞ն։

Կան, բայց ոչ գործող աշխատակիցների թվում։

Ովքե՞ր են կալանավորված եւ ինչի՞ համար։

Ես ձեզ ամեն ինչ ասացի։ Գործող աշխատակիցների թվում չկան։

ՀԱԷԿ պաշոնյաներից մեկի կալանավորման մասին լուրը հաստատեցին ԱԱԾ-ում»:

Առավել մանրամասն՝ թերթի այսօրվա համարում

 

!
Այս նյութը հասանելի է նաև Русский
Տպել
Ամենաշատ