Հնդկաստանի հյուսիսային Կերալա նահանգում հզոր մուսոնային անձրեւների հետեւանքով առնվազն 167 մարդ է զոհվել, հայտնում է «ՌԻԱ Նովոստի»-ն՝ վկայակոչելով NDTV հեռուստաալիքը:
Անձրեւները սկսվել են օգոստոսի 8-ին Հնդկաստանի հարավային եւ հարավ-արեւմտյան շրջաններում եւ շարունակվում են մինչ օրս: Աղետի հարվածի հետեւանքով մի շարք բնակավայրերը ջրի տակ են հայտնվել, լուրջ վնաս է հասցվել ենթակառուցվածքներին եւ քաղաքացիների գույքին: Նահանգի պատմության մեջ առաջին անգամ բացվել է այնտեղ գործող 39 ջրամբարներից 35-ը: Վտանգի կարմիր մակարդակ է հայտարարվել նահանգի բոլոր 14 շրջաններում:
Հնդկաստանի վարչապետ Նարենդրա Մոդին հայտնել է, որ ուրբաթ օրը մտադիր է գնալ Կերալա, որտեղ տեղական իշխանության ներկայացուցիչների հետ կքննարկի այս տարածաշրջանում փրկարարական գործողությունների ընթացքը: