Հայաստանում աճել է ՃՏՊ-ների, դրանց հետևանքով զոհերի և տուժածների թիվը։ NEWS.am -ի գրավոր հարցման ի պատասխան ՀՀ ոստիկանությունից հայտնել են, որ 2018 թվականի 10 ամիսների ընթացքում Հայաստանի Հանրապետությունում հաշվառվել է 3334 ճանապարհատրանսպորտային պատահար, որի հետևանքով զոհվել է 273, մարմնական վնասվածքներ ստացել 4819 մարդ։ 

Նկատենք, որ նախորդ տարվա նույն ժամանակահատվածի համեմատ ՃՏՊ-ների հետևանքով զոհերի թիվը ավելացել է  45-ով։

Մասնավորապես 2017 թվականի 10 ամիսների ընթացքում Հայաստանում գրանցվել էր 2940 ՃՏՊ, որի հետեւանքով զոհվել է 228 մարդ, վիրավորվել 4360-ը։