նախընտրելի դարձնելԱյս տարվա սեպտեմբերի 17-23-ը Բելառուսում ազգային մանկական կրթական-առողջապահական «Զուբրյոնոկ» կենտրոնում կազմակերպվելիք պատանի հրշեջ-փրկարարների միջազգային հավաքին մասնակցելու նպատակով Հայաստանի ԱԻՆ-ն իրականացնում է պատանի հրշեջ-փրկարարների բաց ընտրություն:
Ցանկացողները` 11-17 տարեկան սովորող տղաներ եւ աղջիկներ, մինչեւ 2012 թ. հուլիսի 1-ը կարող են դիմել ՀՀ ԱԻՆ փրկարար ծառայության Երեւան քաղաքի եւ մարզային փրկարարական վարչություններ:
Դիմողները պետք է ունենան.
-անձը հաստատող փաստաթուղթ (անձնագիր).
-առողջության վերաբերյալ բժշկական տեղեկանք (քրոնիկ հիվանդությունների առկայության/բացակայության մասին նշումով).
-թեկնածուները պետք է տիրապետեն ռուսերեն կամ անգլերեն լեզուներին.
-տիրապետեն առաջին բուժօգնություն ցուցաբերելու հմտությունների.
-ունենան երաժշտական, գեղագիտական գիտելիքներ եւ հմտություններ, ինչպես նաեւ անհրաժեշտ ֆիզիկական պատրաստություն:
Թեկնածուների վերջնական ընտրությունը կկատարվի ՀՀ ԱԻՆ փրկարար ծառայությունում` սահմանված կարգով:
Տեղեկությունների համար զանգահարել (010) 53-31-91 հեռախոսահամարով:
