նախընտրելի դարձնել
«Հայ-Հնդակական Բարեկամություն» ՀԿ-ն սույն թվականի օգոստոսի 9-15-ին, Տավուշի մարզում մեկնարկում է «Հնդկական մշակույթի օրեր» միջոցառումը` նվիրված Հնդկաստանի Հանրապետության անկախության հռչակման 67-րդ տարելիցին:
«Հնդկական մշակույթի օրեր» ծրագիրը իր մեջ ներառում է հետեւյալ միջոցառումները՝
1. «Հնդկաստանը հայերի աչքերով» թեմայով լուսանկարների ցուցահանդես,
2. «Հնդկաստանի առեղծվածային անդրադարձումները» հայ նկարիչներ Վարդան Ավետյանի եւ Վլադիմիր Սիմոնյանի գեղանկարների ցուցահանդես
3. «Հնդկական ֆիլմերի շաբաթ Տավուշի մարզում»:
Ցուցահանդեսի բացման արարողությունը տեղի կունենա Իջեւանի «Վերնատուն» պատկերասրահում օգոստոսի 9-ին ժամը 15:00-ին եւ այն կշարունակվի մինչեւ օգոստոսի 15-ը:
Իջեւանի քաղաքային մշակույթի տանը կանցկացվի «Հնդկական ֆիլմերի շաբաթ Տավուշի մարզում» ծրագիրը, կցուցադրվեն հնդկական բազմաժանր ֆիլմեր (ռուսերենով):
Միջոցառումների նպատակն է մեկտեղել հայ-հնդկական հարաբերություններով հետաքրքրված մարզի բնակիչներին` միասին տոնելու հնդիկ ժողովրդի համար անչափ կարեւոր այս տոնը:
Միջոցառման պատվավոր հյուրերն են Հայաստանում Հնդկաստանի Հանրապետության արտակարգ եւ լիազոր դեսպան Դոկտոր Սուրեշ Բաբուն, ՀՀ Տավուշի մարզպետ պրն Ա. Ղուլարյանը եւ Իջեւանի քաղաքապետ պրն Վ. Ղալումյանը:
Միջոցառման աջակիցներն են Հայաստանում Հնդկաստանի դեսպանատունը, Իջեւանի քաղաքապետարանը եւ Իջեւանի գինու-կոնյակի գործարանը:
