Գերմանիայի ոստիկանության հատուկ ստորաբաժանման աշխատակիցները Սաարբրյուկեն քաղաքում ձերբակալել են Սիրիայի 38-ամյա քաղաքացի Հասան Ա.-ին, ով կարող էր Ամանորին ահաբեկչություն պատրաստել: Ամենայն հավանականությամբ, հարձակումն իրականացնելու համար փոխադրամիջոց էր օգտագործվելու, որը ծրագրվել էր ծածկել ոստիկանական մեքենաներին հատուկ տարբերակիչ նշաններով: DW-ի փոխանցմամբ՝ ենթադրվում է, որ մեքենայի վարորդը բազմությանը պետք է վրաերթի ենթարկեր: 

Ըստ քննության վարկածի՝ տղամարդը Telegram-ի միջոցով է կապ հաստատել «Իսլամական պետության» հավանական կողմնակցի հետ, որը Ռաքա քաղաքից է եւ երկար ժամանակ զսպել է խմբավորման ղեկավարությանը: Իրավապահ մարմինները գրագրությունը ստացել են՝  նրա բջջային հեռախոսի հասանելիության տրամադրումից հետո:

Սիրիացին իրեն առաջադրված մեղադրանքները հերքել է՝ պնդելով, որ պատմությունը հորինել է ԻՊ-ից 180 հազար եվրոյի ֆինանսական աջակցություն ստանալու եւ Սիրիայում իր ընտանիքին փոխանցելու համար: Իրավապահ մարմինները եւս հակված են այն եզրակացությանը, որ նա գլխավորապես ֆինանսական պատճառներով է առաջնորդվել: